Denise waerde gebaore op 15 april in 't jaor 1996. Es aajste van twee kinjer. 'T hele gezin laef veur de vastelaovendj, en det waerde Denise dan auch mit de paplaepel ingegaeve. Nao jaore gedans te hubbe es dansmarietje gooide 't in 2013 't roer om en besjloot om op ein angere meneer op 't podium te gaon sjtaon. Same mit Danique vormde het in 2013 't duo Die Tweej, en zonge leedjes es Hey doe, Vastelaovestied en Sjödde. Helaas heel dit duo neet lang sjtandj want nao ein jaor besjloot Danique te stoppe mit zinge, in 2014 ging Denise daorom allein door onger de naam Denise Music.
In 2014 kwaam de single Ein Groot Fees oet, en waerde auch deilgenomme aan 't Cover LVK, van TVEllef. Hiej waerde neet gewonne, mer waal ein oetzending inclusief interview op'pe tillevisie oetgezonje. De eerste bekindjheid es Denise Music of te wel "'t maedje mit 't heudje'" waas 'n feit. De bookinge kwame binnen, zo waas 't te zeen op 't Bacchusdrieve op'pe Roerkade, bie de Blauwe Maondig op 't Sjoolpaad en leet 't auch heur sjtum heure bie versjillende Prinserespeties.
In 2015 komme weer ein paar nuje nummers oet, 't allereerste is Gaef noe Gaas!, gevolg door waarsjienlijk nog twee angere nuje singles. 'T eerste optraeje wird al in September gegaeve, bie 't Septoeaberfees van La Bamba, hie wird auch de nuje single Gaef noe gaas! geprizzenteerd.
Denise tummert nog hel aan de waeg om nóg bekinder te waere in de Limburgse Vastelaoveswaereld.
